Dünya çoxdan haqq, ədalət, humanizm prinsiplərinə tüpürüb |
Müəllif: Admin | Bölmə: Xəbərlər | Vaxt: 3-04-2016, 19:00 | Şərh sayı: (0) | Baxılıb: 264
Dünya çoxdan haqq, ədalət, humanizm prinsiplərinə tüpürüb
Son iki gündə dünyanın diqqəti yenidən Ermənistan-Azərbaycan, Dağlıq Qarabağ münaqişəsinə yönəldi. Məlum oldu ki, bu heç də donmuş deyil, hər an əriyə, hətta partlaya bilən münaqişələrdəndir. O da məlum oldu ki, Azərbaycanın "səbrimiz tükənməz deyil" kimi xəbərdarlıqları sadəcə sözlər yox, arxasında güc və əməlin dayandığı həyəcan siqnalı idi.Lakin nə işğalçı Ermənistanın hərbi-siyasi rəhbərliyi, nə də onun havadarları bu siqnalı ciddi qəbul etdilər. Ərköyünlüyə öyrəşmiş ermənilər nə Şimaldakı, nə də Qərbdəki havadarlarının onlara heç "gözün üstə qaşın var" deməyəcəyindən əmin olaraq yenə də cəbhə xətti boyu təxribatlar törətməyə, ən əsası isə cəbhəyanı zonada yaşayan əhalidə qorxu yaratmaq üçün mülki şəxsləri hədəf almağa başladılar. Rəsmi məlumatlara görə, Ermənistan silahlı bölmələri son iki gündə cəbhənin müxtəlif istiqamətlərində kiçik və iriçaplı silahlardan, o cümlədən artilleriyadan istifadə etməklə atəşkəs rejimini 257 dəfə pozub, cəbhə boyu mülki şəxsləri bə obyektləri hədəfə alaraq atəşə tutub.
Aprelin 2-də isə gecə təxmiməm saat 04:00-dan başlayaraq Azərbaycanın işğal altında olan ərazilərində yerləşən Ermənistan hərbi hissələri Azərbaycan Silahlı Qüvvələrinin bütün cəbhəboyu mövqelərini iriçaplı silahlar, minaatanlar, qumbaraatan və artilleriya qurğularından intensiv atəşə tutaraq qoşunların təmas xəttində növbəti təxribat törədiblər. Lakin bununla kifayətlənməyən ermənilər cəbhəyanı zonaya yaxın mülki əhalinin yığcam yaşadığı bir sıra məntəqələri, məcburi köçkün qəsəbələrinə də atəş açıblar.
Özü də bütün bu proseslər heç də ermənilərin qeyd etdiyi kimi, Ermənistan-Azərbaycan sərhədində yox, Azərbaycan Respublikasının daxilində, bütün dünya tərəfindən tanınmış sərhədləri daxilində baş verib.
Düşmən tərəfin artilleriya atəşləri nəticəsində 2 azərbaycanlı yerli sakin həlak olub, biri 13 yaşlı uşaq olmaqla 10 nəfər isə yaralanıb. Bundan əlavə, müxtəlif yaşayış məntəqələrində 10-dan çox fərdi yaşayış evi dağıdılıb, əhalinin şəxsi təsərrüfatına və əmlakına xeyli ziyan dəyib.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər