İŞİD-in fərari gəlinlərinin etirafları |
Müəllif: Admin | Bölmə: Xəbərlər | Vaxt: 24-11-2015, 14:17 | Şərh sayı: (1) | Baxılıb: 665
İŞİD-in fərari gəlinlərinin etirafları
İŞİD terror qruplaşmasının de-fakto paytaxtı Suriyanın Rakka şəhərindən qaçan qadınlar “New York Times” nəşrinə müsahibə veriblər.
İŞİD-in əxlaq polisi vəzifəsini yerinə yetirən 3 suriyalı qadın sonradan insan alverçilərinin köməyi ilə Türkiyəyə qaçmağı bacarıb.
Onlar 25 yaşındakı Avs, əmisi qızı 20 yaşındakı Dua və 22 yaşındakı Esmadır.
Fərat Universitetində ingilis ədəbiyyatı ixtisası üzrə təhsil alan Avs Rakkada İŞİD-in türkiyəli üzvü Əbu Məhəmmədin evlilik təklifini qəbul edərək onunla evlənir. Əri döyüşdə ikən İŞİD-in digər gəlinləri kimi tək qalsa da, Avs yezidi qadın kölələrdən daha şanslı olduğunun fərqində idi.
İyirmi yaşındakı Duanın atası qızını Ər-Riyadlı zəngin bir ailədən olan səudiyyəli İŞİD üzvünə verib. Dua yeni həyatından məmnun idi, amma boş vaxtı çox idi. İki gənc qadın – Avs və Dua azad hərəkət edə bilmək üçün fevral ayında qadınlardan ibarət Hamsa diviziyasına qatılır. Hərbi və dini təlim alan qadınlar bir ay sonra patrula çıxırlar. Diviziyada hər millətin nümayəndəsi var idi. Amma xaricilərlə danışmaq qadağan idi. Çünki, yerlilər xaricilərin daha yüksək maaş almasından xəbər tuta bilərdilər.
Esma isə xarici qadınları Türkiyə sərhədində qəbul edərək Rakkaya aparılması üçün cavabdeh şəxs idi. Britanyadan qaçan 3 liseyli qızı da Esma qarşılayaraq Rakkada bir otelə yerləşdirmişdi.
Lakin bu sakit günlər çox davam etmir. Anasının dar çarşab geyindiyi üçün polis bölməsindən qamçılanmasının şahidi olan Dua ərinin Tel-Abyadda kamikadze kimi özünü havaya uçurduğunu öyrənir. Avsaya da eyni xəbər gəlir. Onlara bildirirlər ki, dərhal yenidən evlənməlidirlər. Esma isə qadın və kişi dostları ilə kafelərdə oturduğu günlər üçün darıxdırdı.
Nəhayət qadınlar Türkiyəyə qaçmaq qərarına gəlir.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər