Ruhanilər Tale Bağırzadəni müdafiə etməkdə davam edir |
Müəllif: Admin | Bölmə: Xəbərlər | Vaxt: 30-09-2015, 12:38 | Şərh sayı: (0) | Baxılıb: 354
Ruhanilər Tale Bağırzadəni müdafiə etməkdə davam edir
Cəlilabad bölgəsindən ruhani İlqar Əliyev: “Mən Tale Bağırzadəni dəstəkləyirəm. Şəxsiyyət olaraq ona hörmətim var. Həmişə onun keşiyindəyəm. Baş verənlərlə bağlı isə tam məlumatım olmadığı üçün daha artıq danışa bilməyəcəm.” Nardaran Rəhimə xanım (s.ə) ziyarətgahının axundu, ilahiyyatçı Nuhbala Rəhimov:“Hər hansı günahsız insanın üzərinə silah çəkilərək saxlanılmasını doğru saymıram. Ruhaniyə qarşı təzyiqə mövqeyimiz mənfidir”. Cəlilabadın "Sahibəzzaman" məscidinin axundu, ilahiyyatçı Ramin Əliyev: “Hacı Taleni nə qədər sıxsalarda o mövqeyindən dönən deyil. Allahın ona verdiyi ruhiyyəni və istedadı bu günə qədər həyatda canlandırıb. Bundan sonra da, Allah ona tofiqat inayət edəcək və inşallah yoluna davam edəcək. Bu cür addımlar hacı Tale və onun kimi insanların istedadının daha da artmasına xidmət edir. İkinci növbədə xatırlatmaq istəyirəm ki, ağıllı dövlət başçıları həmişə sağlam müxalifətin olmağını istəyiblər. Ona görə ki, onların ətrafında olan insanlar rəhbərliyə yaltaqlandıqları onların ziyanınadır. Lakin hacı Tale kimi insanlar eybləri bildirməklə problemlərin aradan qalxmasına xidmət edirlər. Tarixdə də buna misallar var. Məsələn İmam Cəfər Sadiqi (ə) Harun ər-Rəşid yanına çağırtdırırdı və alimlərlə bəhsini izləyirdi. Bununla da onun dərin elmindən bəhrələnirdi. Hətta Məmunu etiraz edirdi ki, mən səni başa düşmürəm. Həm bununla mübarizə aparırsan, həm də ki bunun hörmətini saxlayırsan. Dedi ki, oğul siyasətin atası və anası yoxdur. Hətta səndə mənim taxtıma təhlükə olsan sənə qarşı da mübarizə aparacam. Xülasə onların da hacı Taleni vaxtaşarı çağırması buna işarədir. Hacı Taleyə qarşı həmişə təzyiq olub. Mən onu dəstəkləyirəm və ona qarşı addım atan adamları bu işə son qoymağa çağırıram”. İlahiyyatçı Elman Ağazadə: “Bir ruhaniyə qarşı məscidə gedərkən belə bir rəftar etmək Azərbaycan dövlətinə yaraşmır. Məscid Allah evidir. Kiminsə Allah evində ibadət etməsinə maneə törədə bilmərik. Qurani Kərimdə də bununla bağlı ayələrimiz var. Dinimiz də bu məsələyə belə yanaşır. Hacı Tale Bağırzadənin cümə günü məscidə ibadətə gedərkən belə rəftarla qarşılaşması Allah evinə və dindarlara hörmətsizlikdir. İkinci məsələ odur ki, silahla ora gəlmək bəzi məmurlarımızın dindarlara və möminlərə qarşı olan mənfi münasibətindən xəbər verir. Biz belə başa düşürük ki, dindarların qarşısını əli silahlı şəkildə almaq və məscidi mühasirəyə almaq çox mənfi nəticələrə səbəb ola bilər. Allah bu hadisələrdən bizi uzaq eləsin və Azərbaycan xalqımızı belə münaqişələrdən qorusun inşallah”. İlahiyyatçı Qabil Əliyev: “Hər bir dindara qarşı olunan işlər bizi çox dərindən narahat edir. Həmçinin hacı Tale qardaşımıza qarşı baş verənlər. Çünki hacı Tale bu vətənə namusu və qeyrəti ilə xidmət edən qardaşımızdır. Həmişə haqq tərəfində olub. Ona qarşı bu cür soyuq və qərəzli münasibətlər hər bir inanclı kimi, hər bir ruhani kimi məni də dərindən narahat etdi. Amma şükür Allaha sonradan izlədik ki, bu məsələlər öz həllini tapıb. Ancaq heç bir ruhaniyə qarşı xəbərlıq etmədən, heç bir cinayət olmadan silahlı üzərinə gəlmək bəyənilməyən hadisədir. Bu adam cinayətkar deyil və hüquqlarından istifadə edib. Hacı Tale Azərbaycanın azad vətəndaşıdır və istədiyi yerə gedə bilər. Amma ona qarşı bu cür rəftar etmək heçdə qəbul olunan hal deyil”. İlahiyyatçı Vüsal Hüseynzadə: “Əslində, qəribə bir şey yoxdur. Hacı Tale ölkəmizdə ən çox sevilən insanlardan biri, əsl vətən oğlu və gerçək qəhrəmandır. Hər yerdə - hər bir nazirlikdə, hər bir bölmədə onu yaxından görmək istəyən biriləri mütləq vardır”. Türkiyəli İslam alimi Mehdi Aksu: “Tale Bağırzadə kimi alimlər İslam və müqəddəsat yolunda öz həyatlarını təhlükəyə atanlardır. Azərbaycanda fəaliyyət göstərən və dərdi din dərdi olan, dinin müsibətini öz müsibəti bilən hər mömin və möminə hacı Tale Bağırzadə kimi alimləri müdafiə etməli və dəstəkləməlidirlər. Bu hər inanclı insanın iman vəzifəsidir. Allah möminlərə yardım etsin”. İlahiyyatçı Elgün Axund: “Hamıya məlumdur ki, hacı Tale Bağırzadənin təqib olunması və onun saxlanılması ictimai-siyasi mövqeyinə görədir. Çünki artıq Azərbaycan xalqını, xüsusən sağlam düşüncəli gəncləri saxta ittihamlarla aldatmaq mümkün deyil. Hacı Tale milli və dini dəyərlərin təbliğatı, gənc nəslin sağlam düşüncəli bir azərbaycanlı kimi yetişməsi yolunda əlindən gələni əsirgəməyən bir insandır. Görünür gənclərimizin sağlam düşüncəli və mənəvi baxımdan pak yetişməsini istəməyənlər var. Hacı Tale artıq xalq arasında sevilən bir insandır, onun bir neçə gün əvvəl MTN-ə çağırılması gənclər arasında nə qədər gərginlik yartdığının şahidi olduq. Yenidən qohumlarının ziyarətinə getdiyi bir halda məscidlərin birində namaz qılarkən Hacının heç bir cinayət törətmədiyi halda silah sursatla məsciddən çıxarılıb polis bölməsinə aparılması xoş bir hal deyil. Düşünürəm Yevlax rayon polis idarəsinin rəisi və ona bu göstərişi verənlər öz səhv addımlarını anlayıblar. Biz onların bu addımlarını pisləyirik və xalqın mənəviyyatının formalaşmasında böyük rolu olan insanlara qarşı bu cür addımlar atmamağı tövsiyə edirik”. "Müsəlman Birliyi Hərəkatı"nın idarə heyətinin üzvü, ilahiyyatçı Fərhad Mirzə: “Hacı Taleni tutmaq daha hakimiyyətə sərf eləmir. Sadəcə gücünü göstərmək istəyir ki, mən də varam. Amma o gedib gücünü erməniyə göstərsin, əliyalın ilahiyyatçıya yox”.
Mənbə : İslamazeri
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər