Yetim uşaqların təhsil haqqı ilə bağlı məsələyə yenidən baxıla bilər |
Müəllif: Admin | Bölmə: Xəbərlər | Vaxt: 13-04-2016, 20:22 | Şərh sayı: (0) | Baxılıb: 408
Yetim uşaqların təhsil haqqı ilə bağlı məsələyə yenidən baxıla bilər
Hesablama Palatası Nazirlər Kabinetinə Azərbaycanda ali təhsil müəssisələrində təhsil alan, valideynlərini itirmiş və valideyn himayəsindən məhrum olmuş uşaqların təhsil haqqının ödənilməsi ilə bağlı məsələyə yenidən baxmağı tövsiyə edir.Trend-in məlumatına görə, bu barədə Hesablama Palatasının Nazirlər Kabinetinə təqdim etdiyi təkliflərdə bildirilir.
Hesablama Palatası bildirir ki, ali təhsil müəssisələrində təhsil alan, valideynlərini itirmiş və valideyn himayəsindən məhrum olmuş uşaqların, habelə onların arasından olan şəxslərin təhsil haqlarının dövlət büdcəsinin vəsaiti hesabına ödənilməsi "Təhsil haqqında" və "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" qanunlarla tənzimlənir. Lakin göstərilən qanunlar arasında, habelə "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" qanunun bəndləri arasında müəyyən fərqlər mövcuddur. Belə ki, "Təhsil haqqında" və "Valideynlərini itirmiş və valideyn himayəsindən məhrum olmuş uşaqların social müdafiəsi haqqında" qanunlara görə, valideynlərini itirmiş və valideyn himayəsindən məhrum olmuş uşaqlar, habelə onların arasından olan şəxslər dövlət, bələdiyyə və özəl ali və orta ixtisas təhsili müəssisələrində ödənişli əsaslarla təhsil aldıqları müddətdə təhsil haqqı dövlət büdcəsinin vəsaiti hesabına ödənilir.
Eyni zamanda "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" qanunda valideynlərini itirmiş və valideyn himayəsindən məhrum olmuş uşaqların arasından olan şəxslər dedikdə, "18 yaşınadək hər iki valideynini itirmiş, habelə hər iki valideyninin himayəsindən məhrum olmuş ali və orta peşə-ixtisas təhsili müəssisələrində əyani formada təhsil alan 23 yaşınadək olan şəxslər" nəzərdə tutulur.
Audit tədbirləri nəticəsində müəyyən edilib ki, ali təhsil müəssisələrində ödənişli əsaslarla qiyabi təhsil alan və ödənişli əsaslarla əyani təhsil alan, yaşı 23-dən çox olan tələbələr də təhsil haqqından azad edilmələri ilə əlaqədar təhsil müəssisələri qarşısında məsələ qaldırırlar. Qeyd olunan qanunlarda eyni mövqeyə fərqli yanaşma vətəndaşlarla təhsil müəssisələri arasında müəyyən problemlər yaradır. Bunları nəzərə alaraq, Hesablama Palatası göstərilən normativ-hüquqi sənədlər arasındakı müvafiq fərqlərin aradan qaldırılması məsələsinə baxılmasını tövsiyə edir.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər