Elm bir ilkə imza atdı, beyin siqnalları ilə əlaqə yaratdılar |
Müəllif: Admin | Bölmə: Xəbərlər | Vaxt: 29-09-2015, 23:19 | Şərh sayı: (0) | Baxılıb: 543
Elm bir ilkə imza atdı, beyin siqnalları ilə əlaqə yaratdılar
İslamazeri.az-ın "On4haber"ə istinadən verdiyi məlumata görə, Vaşinqton universitetinin Öyrənmə və Beyin Elmləri institutunun tədqiqatçıları maraqlı araşdırma həyata keçirib. Alimlər bir-birilə internet vasitəsilə danışan bir neçə nəfər üzərində tədqiqat aparıblar. Tədqiqatlar nəticəsində internet istifadəçilərinin beyinlərilə siqnal ötürməyi bacardıqları məlum olub. Tədqiqat 10 könüllünün iştirakı ilə aralarında 2 kilometr məsafə olan 2 laboratoriyada hazırlanmış qaranlıq otaqlarda həyata keçirilib. 5 nəfərlik qruplara bölünmüş könüllülər 20 mərhələli bir oyun oynayıblar. Oyunun şərtlərinə görə, hər mərhələdə bir tərəfin soruşduğu əşyanı digər tərəf tapmalıydı. Bir istifadəçinin monitorundakı şəkil barədə ikinciyə ötürülən məlumatlar əsasında həmin görüntünün nə olduğuna dair cavablar verilib. Monitordan görünən suallara "bəli" və "xeyr" tipli qısa cavablar təqdim olunub. Tədqiqat zamanı verilən düzgün cavabların faiz göstəricisi 72 olub. Araşdırmaçı Çantel Prat, "İştirakçılar beyinlərilə gördükləri şeyləri analiz edib elə beyinləri vasitəsilə siqnallar göndərərək bir-birilə əlaqə yaradıblar. Bu daha əvvəllər heç görülməmiş bir şeydir", -deyə təəssuratlarını bölüşüb.
Mənbə : İslamazeri
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər