Ata qızını sevmədiyi bir şəxsə onun razılığı olmadan ərə verə bilərmi? |
Müəllif: Admin | Bölmə: Sual-Cavab | Vaxt: 29-01-2015, 19:10 | Şərh sayı: (2) | Baxılıb: 1139
Ata qızını sevmədiyi bir şəxsə onun razılığı olmadan ərə verə bilərmi?
İslam məzhəblərinin məsələyə münasibəti bir qədər fərqlidir. Əhli-sünnənin maliki, şafii və hənbəli məzhəblərinə görə, ata və ya baba yetkinlik yaşına çatmış öz bakirə qızını istədiyi adama ərə verə bilər; bu zaman qızın icazəsi tələb edilmir.
Amma ata fiziki cəhətdən qüsurlu, cinsi baxımdan iqtidarsız, fasiq (əxlaqsız) bir adama qızı ərə verə bilməz; əks halda qız kəbini pozmaq haqqına sahibdir. Atanın (babanın) öz qızından razılıq alması sünnətdir. Hənəfi məzhəbində bəzi istisnaları çıxmaqla, qız öz istədiyi adama ərə gedə bilər. Cəfəri məhzəbində isə Ərə gedib boşanmış və ya əri ölmüş dul qadının isə heç kimdən icazə alması lazım deyil və onu zorla kiməsə ərə vermək olmaz.Bakirə qız atasından (və ya babasından) icazəsiz kəbin kəsdirə bilməsə də, atası onu zorla heç kimə ərə verə də bilməz. Qızın və ya oğlanın razılığı olmadan kəsilən kəbin batildir. Həzrət Mühəmməd Peyğəmbər (s) qızı Fatimə üçün elçi gələndə həmişə onun özü ilə məsləhətləşir və fikrini sorüşurdu.
Fatimə (ə) rədd cavabı verdiyi üçün bütün elçilər geri qayıdırdı. Həzrət Əli (ə) elçiliyə gələndə Peyğəmbər yenə Fatimənin (ə) yanına gedib onun fikrini soruşdu, Fatimə susmaqla razı olduğunu bildirdi. Yalnız bundan sonra Peyğəmbər onların kəbinini oxudu. Hədislərdən məlum olur ki, Peyğəmbərin zamanında ataları tərəfindən zorla sevmədikləri adama ərə verilmiş qızlar o həzrətə şikayət edir və Peyğəmbər onların kəbininin pozulmuş olduğunu söyləyirdi.
Bu məsələni ata ilə qız arasında barışıq yolu ilə həll etmək məsləhətdir. Şəriətimiz nə atanın, nə də qızın özbaşına davranmasına icazə vermir. Valideyn haqqını qorumaqla, hörmət və sayğı ilə bu problem həll olmalıdır.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər