Qurani tərbiyə |
Müəllif: Admin | Bölmə: Qurani-Kərim | Vaxt: 21-01-2015, 01:19 | Şərh sayı: (0) | Baxılıb: 554
Qurani tərbiyə
Qurani-Kərimə inanıb, hərəkətini, yaşayışını Onun əmr və yasaqlarına uyğunlaşdıran bir Müsəlman nümunəvi bir şəxs, kamil bir insandır. Beləsində insanlığın bütün xüsusiyyətləri olur.
1. ALLAHın birliyinə və Peyğəmbəri vasitəsilə göndərdiklərinə inanır, inandığı kimi yaşayır.
2. ALLAHın əmr elədiyi və Peyğəmbərinin göstərdiyi kimi namazını qılır, orucunu tutur, zəkatını verir, gücü çatınca həcc borcunu ödəyir.
3. Yoxsullara, yetimlərə, kimsəsizlərə, möhtaclara, yaxınlarına, yolda qalmış zavallılara malıyla, canıyla, gücü çatdığı qədər kömək edir.
4. Təhlükəli zamanlarda əsla sarsılmaz, zəiflik göstərməz. Hər işində bütün gücünü sərf edir, və ALLAHa şükr edib ibadət edir.
5. Ata və anasına itaət edir, verdiyi sözü yerinə yetirir. Əmanətə əsla xəyanət etmir, boynuna götürdüyü hər bir işi bütün gücünü sərf edərək həyata keçirir.
6. Müsəlman dünyanın ən təmiz insanıdır. Bədənini, üstünü, başını, geyəcəyini, yeyəcəyini, yerini, yurdunu, qab-qacağını, küçəsini, ətrafını tərtəmiz saxlayır.
7. Ruhunu, könlünü riyadan, fəsatdan, hiyldən, fırıldaqdan, qeybətdən, ara qarışdırmaqdan; nəfsini içkidən, qumardan, oyundan; dilini pis sözlərdən uzaq və təmiz saxlayır.
8. Özünü üstün tutaraq təkəbbür göstərməz, aşağı sayaraq da əl-ətək öpməz, ləyaqətli, kamil insandır.
9. Pisliyin kiçiyindən, böyüyündən, gizlinindən, açığından ğzünü qoruyar.
10. Dəyərsiz, müəmmalı mənfəət dalında deyildir. Durmadan çalışar, halalından qazanar. ALLAHın verdiyinə şükr edər, vermədiyinə də həmd edər, səbr edər.
11. Müqavimətlərə qarşı hirsini udar, qüsur və qəbahətini bağışlamaqdan zövq alar. Yaxşılığa başçılıq, pisliyə üsyan edər.
12. Boynuna götürdüyü hər bir işi son gücünü sərf etsə belə yerinə yetirər. Tənbəllik onun düşməni olar.
13. Bilik, təcrübə, inəsənət, elm onun sevgili dostlarıdır. Özünü bunlarla bəzəyir. Biliksizlikdən təcrübəsizlikdən qorxar, ehtiyat edər.
14. ALLAH yolunda, millət və vətən uğrunda gücü çatdığını yerinə yetirər; lazəm gələrsə bu yolda canını qurban verər.
15. Müsəlmanları qardaş bilər,onların dərdlərinə ortaq olar, xəstələrinə baxar, borclularına yardım edər, dərdlilərinə dərman axtarar, böyüklərə hörmət, kiçiklərə məhəbbət bəsləyər.
16. ALLAH yaratdığı üçün heyvanlara yazığı gələr, əşyanı qoruyar: bütün varlıq aləminə sevgi ilə bağlanar. Çünki sevdiklərini ALLAH üçün sevər, nifrət etdiklərinə də ALLAH üçün nifrət edər.
17. Bu xüsusiyyətlərlə hərəkət ALLAH əmri, Peyğəmbər yoludur. Müsəlman həmin yolun yolçusudur. Təmiz, pak bir yaşayışla bu dünyadaki həyatını faydalı bir insan kimi başa vurar. İmanla, könül rahatlığıyla ALLAHa qovuşar. Onun tükənməz, sonsuz nemətlrinə yetişər.
Həzrət Məhəmməd (s.a.a.s.) buyurur:
"Mömini şad edən məni şad etmiş, məni şad edən isə ALLAHı şad etmişdir."
Ulu Tanrı, hamımızı bu səadət yolunun yolçularından etsin...Amin..!
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər