Müəllif: Betul_3 | Bölmə: Hədislər | Vaxt: 21-08-2013, 21:12 | Şərh sayı: (5) | Baxılıb: 345
HƏZRƏT MƏHƏMMƏD (S.)-DAN NƏQL OLUNAN HƏDİSLƏR - Həlim xasiyyət hikmətin əzəlidir. - Övladlarınızla xoş rəftar edin,onlara qarşı ədalətli olun,birini o birindən üstün tutmayın. - Tərəzidə çəkilsə, gözəl xasiyyətdən daha ağır gələn heç bir şey yoxdur. - İnsanlar elə bir sədəqə verə bilməzlər ki, öyrənilən, yayılan elmdən üstün olsun. - Elm sənin məsləhətçin,mülayimlik dostun,əql bələdçin,səbr isə başçın olmalıdır. - Ən böyük sədəqə biliyi bilməyənlər arasında yaymaqdır. - Ömrünün uzanmasını və ruzisinin artmasını istəyən kəs valideyninə ehtiram etsin,qohumlarını yoluxsun. - Bir kimsə bir mömini sevindirsə,sanki məni sevindirər.Məni sevindirən kimsə Allahdan vəd alar.Allahdan vəd alana cəhənnəm odu dəyməz. - Bilik möminin dostu,həlimliyin məsləhətçisi,ağılın bələdçisi,xoş rəftarın babasıdır. - Elm axtarışında olan şəxsin ruzisini Allah yetirər. - Ən şərəfli ölüm şəhadətdir. - Az günah etsən ölüm sənə asan olar. - Xalqın haqqını itirməyənlər,Allaha ən çox şükür edənlərdir. - İbadətlərin ən fəzilətlisi dini anlamaqdır. - Allahın razılığı valideynin razılığı,qəzəbi isə valideynin qəzəbi ilədir. - Başqalarının eybini deməkdənsə,öz eybini anla,başa düş. - Övladın ata və anaya mehriban baxışı ibadətdir. - Maraqlanıb soruşmaq bilik əldə etməyin yarısıdır. - Allah Təala duada israr edənləri sevər. - Qiyamət günü Allahın yanında ən böyük məqamı olan o adamdır ki,Allahın yer üzündə yaratdığı məxluq yolunda hamıdan çox xeyirxahlıq etsin. - Adi adamlar dirikən ölü kimidirlər,elmlilər isə öldükdən sonra da yaşayırlar. - Üç şey insanı həlak edər: arzu və həvəsə uymaq,tamahın əsiri olmaq,insanın özünü bəyənməsi. - Xeyirli iş barədə düşünən xeyirdən məhrum olmaz;məşvərətlə,məsləhətlə görülən iş peşmançılıq yaratmaz,qənaətliyə əməl edən yoxsulluğa uğramaz. - Böyüklük pislikdən çəkinməkdədir,ucalıq könül xoşluğunda,zənginlik isə düzlükdə,inamdadır. - Heç vaxt çağrılmamış süfrədə oturma,bir də getdiyin ailənin ev söhbətinə qarışma. - Ana öz övladını süd ilə qidalandırdığı kimi,Allah da öz mömin bəndəsini bəla və çətinliklə qidalandırır. - Dünyan üçün elə çalış ki,sanki həmişə yaşayacaqsan,axirətin üçün elə çalış ki,sanki sabah öləcəksən. - Qəzəbdən çəkin ki,onun başlanğıcı dəlilik,sonu isə peşmançılıqdir. - Allah həyalı,təmkinli,namuslu və iradəli insanı sevər. - Əlinin bu ümmətin boynunda olan haqqı, atanın övladının boynunda olan haqqı kimidir. Bu Xəbəri Facebook’da Paylaş Oxşar Xəbərlər:
İnformasiya Qonaq qrupunda olanlar istifadəçilər bu xəbərə şərh əlavə edə bilməz. |
Şərhlər