Azərbaycan Türkiyəyə qaz nəqlini artırıb |
Müəllif: Admin | Bölmə: Xəbərlər | Vaxt: 23-01-2016, 20:20 | Şərh sayı: (0) | Baxılıb: 142
Azərbaycan Türkiyəyə qaz nəqlini artırıb
2015-ci ilin noyabr ayında Azərbaycandan Türkiyəyə 574,54 mln. kubmetr həcmində təbii qaz nəql olunub."Report" xəbər verir ki, bu barədə Türkiyənin Enerji Bazarını Tənzimləmə Qurumunun məlumatında bildirilib.
Azərbaycandan nəql olunan qaz Türkiyənin hesabat ayında ümumi qaz idxalının 12,57%-ni təşkil edib.
2015-ci ilin noyabr ayında Azərbaycandan idxal edilən qazın miqdarı 2014-cü ilin analoji ayından 0,10 % çox olub.
Məlumata görə, hesabat ayında Türkiyəyə boru kəmərləri ilə ümumilikdə 3,655 mlrd. kubmetr qaz nəql edilib.
Bunun 2,376 mlrd. kubmetri Rusiya, 703,96 mln. kubmetri İran, 574,54 mln. kubmetri Azərbaycanın payına düşüb.
Qeyd edək ki, 2001-ci ilin martında Azərbaycanla Türkiyə arasında imzalanan qaz alqı-satqısına dair sazişə əsasən, "Şahdəniz" yatağının "Mərhələ-1" layihəsi çərçivəsində hasil olunan qaz bu ölkəyə ixrac edilir. Azərbaycandan Türkiyəyə qaz Bakı-Tbilisi-Ərzurum marşrutu üzrə Cənubi Qafqaz boru kəməri ilə nəql edilir. Azərbaycan qazı "Mərhələ-1" layihəsi çərçivəsində Türkiyə bazarına 2007-ci ilin iyul ayında daxil olub.
Hazırda Türkiyəyə Azərbaycan qazı "al və ya ödə" prinsipi ilə satılır.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər