“Rayonlarda icra başçısı postu seçkili ola bilər” - Ekspert şərhi |
Müəllif: Admin | Bölmə: Xəbərlər | Vaxt: 21-01-2016, 17:21 | Şərh sayı: (0) | Baxılıb: 236
“Rayonlarda icra başçısı postu seçkili ola bilər” - Ekspert şərhi
İqtisadi böhranla bağlı rayonlarda etyiraz aksiyana çıxan əhalinin tələbləri bir sıra hallarda yerli İcra Hakimiyyəti başçıları tərəfindən dinlənildi və bu, aksiyaların böyüməsinin qarşısı alındı. Ancaq hazırda belə bir tendensiya var ki, İH başçıları əhalini razı salarkən, kiçik sahibkarlarda narazılıq yaradıblar. Əksər rayonlarda icra nümayəndələri birbaşa mağazalara daxil olaraq, məhsulların qiymətini aşağı salırlar. Bu isə sahibkarlar tərəfindən heç də xoş qarşılanmır.
Məsələ ilə bağlı musavat.com-a danışan politoloq Mübariz Əhmədoğlu bildirdi ki, icra başçıları dünyada baş verən prosesləri təhlil etmək qabiliyyətinə malik olmalıdırlar:
“Eyni zamanda icra başçıları ölkə prezidentinin addımlarına fikir versinlər. Bu addımların mahiyyətini dərk etsinlər. Yanvarın 18-ə qədər ölkə başçısı iki müşavirə keçirib. Əgər onlar öz davranışlarını ölkə prezidentinin siyasətinə uyğunlaşdırmayacaqlarsa, sahibkarları incitməyə davam edəcəklərsə bundan hansısa region cüzi əziyyət çəkəcək, lakin onların bu hərəkətləri özləri üçün ağır baha başa gələcək. Ölkə prezidenti qarşısına məqsəd qoyub ki, hazırkı şəraitdən Azərbaycan minimal itki ilə çıxmalıdır. İcra başçıları da nizamnaməni, qanunvericiliyi qarşılarına qoyub, yalnız buna uyğun hərəkət etməlidirlər. Əgər bir tərəfdən bazarlara girib qayda-qanun yaradacaqlarsa, digər tərəfdən də mağaza sahiblərini çağırıb pul tələb edəcəklərsə, bu proses uzun çəkməyəcək. Bu baxımdan hesab edirəm ki, hazırda regionlarda baş verənlər vəziyyətin həlli anlamını daşımır. Hazırkı prosesləri kənar müdaxilələrlə əlaqələndirirlər. Ancaq gəlin baxaq ki, daxildə də müxtəlif vəzifəli şəxslər nə qədər müdaxilələr edirlər. Nəzərə almaq lazımdır ki, ölkədə qaydanı qoyan sahibkar deyil, prezidentdir. Rayon icra başçıları da bunu nəzərə almalıdırlar. Əgər icra başçıları və ya digər şəxslər yeni qəbul edilən qərarların əleyhinə gedəcəklərsə, hesab etsinlər ki, prezidentin əleyhinə getmiş olurlar”.
Politoloq bildirib ki, özəlləşmə fonunda icra başçıları da seçki ilə seçilə bilər:
“Ölkə prezidenti geniş özəlləşdirmə qərarı verdi. Özəlləşdirmə sırf geosiyasi və geostrateji məsələdir. Bu baxımdan ölkəyə xaricdən mütəxəssislər dəvət ediləcək. Onlar sabah təklif edə bilərlər ki, Azərbaycanın rayonlarında icra başçısı postu seçkili olsun. Hazırkı kimi işləyən icra başçılarına da gərək ölkə başçısı da söylədiyim qayda ilə rəftar etsin. Hətta mərhum prezident Heydər Əliyevin dövründə elə şirkətlər var idi ki, Azərbaycanda onların özəlləşdirilməsi məsələsi qaldırılmışdı. Həmin zaman elə cənab prezident İlham Əliyev də bunun əleyhinə idi. Ancaq hazırda elə şərait yaranıb ki, əhalinin sosial-iqtisadi vəziyyətini düzəltmək naminə ölkə prezidenti bu addımları atmaq məcburiyyətindədir. Belə məcburiyyət qarşısında qalan prezidentin qarşısına sabah sənəd qoyulsa ki, rayonlarda icra hakimiyyətləri seçkili olsun, hesab edirəm, buna gediləcək. Bu baxımdan icra başçıları çalışmalıdırlar sübut etsinlər ki, bu gün Azərbaycan idarəçiliyində icra hakimiyyətləri yerində olan strukturdur. Vəziyyəti operativ idarə etmək imkanına malik olduqlarını göstərməlidirlər. Xalqı aldadan, kimlərinsə üstünə qaldıran sturuktur olmadıqlarını sübut etməlidirlər”.
Əli Rais, musavat.com
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər