Türkiyənin “terror il”i – 8 dəhşətli hadisə, onlarla ölü (Xronologiya) |
Müəllif: Admin | Bölmə: Xəbərlər | Vaxt: 13-01-2016, 13:56 | Şərh sayı: (0) | Baxılıb: 202
Türkiyənin “terror il”i – 8 dəhşətli hadisə, onlarla ölü (Xronologiya)
Xəbər verdiyimiz kimi, dünən İstanbulun mərkəzi Sultanahmed meydanında partlayış baş verib. Partlayış nəticəsində 10 nəfər ölüb, 15 nəfər yaralanıb. İlkin məlumata görə, ölənlər arasında xarici turistlər də var. Partlayışı “canlı bomba”nın törətdiyi bildirilir.Lakin bu, son 1 il ərzində Türkiyədə törədilən ilk hadisə deyil. 2015-ci ilin ilk günlərində də Türkiyə səhəri terror hadisəsi ilə açmışdı.
AzNews.az 2015-ci ildə Türkiyədə baş verən terror aktlarının xronologiyasını təqdim edir:
2015-ci il yanvarın 6-da İstanbulun mərkəzində Sultanahmed meydanındakı polis bölməsində qadın kamikadze özünü partladıb. Hadisə nəticəsində 2 polis yaralanıb. Onlardan biri vəfat edib. Partlayışı İŞİD terror qruplaşmasının yaraqlılarından birinin dul arvadı olan dağıstanlı Diana Ramazanova törədib.
2015-ci il iyunun 5-də HDP partiyasının Diyarbəkirdə keçirilən mitinqində ikiqat terror aktı törədilib. Hücum 2015-ci il iyunun 7-də keçirilən parlament seçkiləri ərəfəsində həyata keçirilib. Partlayış nəticəsində 4 nəfər ölüb, təxminən 80 nəfər yaralanıb.
2015-ci il iyulun 20-də Türkiyənin Suruç şəhərində terror aktı həyata keçirilib. Partlayış nəticədə 32 nəfər ölüb, təxminən 100 nəfər yaralanıb. Partlayış Amara mədəniyyət mərkəzinin qarşısında baş verib. Terrorun hədəfi sosialist gənclər cəmiyyətlərinin federasiyasının nümayəndələri olub. Belə ki, bu insanlar bir neçə ay İŞİD-in nəzarətində olan Suriyanın Kobanı şəhərini bərpa etməyə hazırlaşıblar. Terror aktının daha əvvəl İŞİD tərəfindən Suriyada döyüşən 20 yaşlı Türkiyə vətəndaşı Əbdürrəhman Alagöz tərəfindən törədildiyi məlum olub.
2015-ci il avqustun 10-da Türkiyənin Sultanbəyli rayonunda yerləşən polis bölməsinin qarşısında avtomobil partladılıb. Partlayış nəticəsində 4 nəfər ölüb, ən az 10 nəfər xəsarət alıb. Partlayışa görə PKK məsuliyyəti öz üzərinə götürüb.
2015-ci il avqustun 19-da Türkiyənin Siirt bölgəsində terror aktı törədilib. Yola yerləşdirilən partlayıcı qurğu hərbi nəqliyyat vasitəsi yolu keçərkən partladılıb. Nəticədə 8 əsgər vəfat edib, daha bir neçə əsgər yaralanıb.
2015-ci il sentyabrın 6-da Hakkari vilayətində yola basdırılmış partlayıcı qurğu hərbi konvoy yolu keçərkən partladılıb. PKK silahlıları tərəfindən törədilən terror aktı nəticəsində 16 hərbçi vəfat edib, 6 nəfər xəsarət alıb.
2015-ci il sentyabrın 13-də Şırnak vilayətinin sərhəd-keçid məntəqəsi önündə partlayıcı qurğu yerləşdirilən maşın partladılıb. Partlayış nəticəsində 2 nəfər polis əməkdaşı vəfat edib, 5 nəfər yaralanıb. Terror aktına görə Türkiyə hakimiyyəti PKK-nı günahkar bilib.
2015-ci il oktyabrın 10-da Ankarada dəmir yolu stansiyası yaxınlığında 2 partlayış baş verib. Burada həmin vaxt həmkarlar ittifaqları birliklərinin və ictimai təşkilatların fəalları kürd terrorçuları əleyhinə və sülhü dəstəkləmək məqsədilə mitinqdə iştirak etmək üçün yığışıblar. İstintaqın məlumatına görə, partlayışlar kamikadzelər tərəfindən törədilib. Türkiyə tarixində ən qanlı terror aktı kimi yadda qalan hadisə nəticəsində 102 nəfər ölüb, 300-dən çox insan xəsarət alıb. Terror aktını törədənlərdən biri iyulun 20-də teror təşkil edən “canlı bomba” Əbdürrəhman Alagözün qardaşı Yunus Əmrə Alagöz olub.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər