Qərb dünyası qəddarlıqda Şərqlə necə yarışır? |
Müəllif: Admin | Bölmə: Xəbərlər | Vaxt: 3-10-2015, 14:11 | Şərh sayı: (0) | Baxılıb: 252
Qərb dünyası qəddarlıqda Şərqlə necə yarışır?
Müsbətlikləri ilə yanaşı, tarixin ən qəddar qatilləri də Qərbdən çıxıb. Amerikalılardan tutmuş, hollandlara, norveçlilərə qədər... Ən qəddar qatillər siyahısında daha çox onların adları yer alıb. Maraqlıdır ki, zaman-zaman dünyada vəhşətin, qəddarlığın ünvanı kimi Şərq ölkələri, Şərq insanı göstərilir. Amma faktlar çox vaxt bunun əksini deyir.
Məsələn, son tendensiyalardan biri İŞİD-ə qoşulan qadınlar idi. Onların böyük əksəriyyətinin Qərb ölkələrindən olması xüsusilə diqqət çəkirdi. İlkin araşdırmalar üzə çıxarmışdı ki, əslində cihadçı qrupun sıralarında olan ABŞ, Fransa, Hollandiya, Kanada, Norveç və İsveçrə nümayəndələri olan qadınların ora üz tutmasında sosial medianın rolu böyükdür. Belə ki, müxtəlif sosial şəbəkələrdə yaradılan təhrikedici qruplar qadınların təşkilatlanmasında təkan rolunu oynayıb. Bundan başqa, internetdə bu qadınlara məsləhətlər, dəstək və səyahət təklifləri də verilir.
Ekspertlər isə hesab edirlər ki, cihada yardım etmək adı ilə İŞİD-ə qoşulanlar bir qayda olaraq sonradan qıfıl altında qalır və ancaq oradakı hərbçi kişilərə qulluq edirlər. İŞİD-çilər qadınları, gənc qızları ora cəlb etmək üçün internet, xüsusən də sosial şəbəkələrin gücündən istifadə edirlər. Cəlbedici reklam rolikləri, yüksək keyfiyyətli videolar, kompüter oyunları bu məqsədlə hazırlanır, sosial şəbəkələrə buraxılır. Necə deyərlər, onlar internet çatından, forumdan çıxmadan insanların arzu-istəkləri ilə oynayır, onları öz tərəflərinə çəkirlər.
Almaniya xüsusi xidmət orqanlarının araşdırması isə göstərir ki, Almaniyadan cihada qoşulmaq üçün gedənlərin 11 faizi qızlardır.
"İslam radikallığını dəstəkləyən qızlar bir qayda olaraq ailə zorakılığını yaşamış şəxslərdir. Onlar şəhid-döyüşçünün qadına barmağı ilə toxunmayacağı fikrinə inanırlar və bu, onlara güvən hissi verir. Amma bununla yanaşı, döyüşçülərlə bağlı istənilən xəbərlər, öldürülən, qul kimi satılan qadınların yaşadıqlarını həmin xanımlar "qərb təbliğatı" hesab edirlər.
Amma bu, çoxsaylı nümunələrdən sadəcə biridir. Sosial araşdırmalar göstərir ki, qəddarlıq cahil cəmiyyətlərdə olduqca geniş yayılmış rəftar pozuqluğudur. İnsanlar uşaqlıq illərindən etibarən həmişə "eqoist olmağa, əvvəlcə öz mənfəətlərini qorumağa" təşviq edilirlər. "Həyatın bəzi həqiqətləri" olduğuna, buna görə də həyatda qalmaq üçün mərhəmətsiz və qəddar olmaq məcburiyyətində olduqlarına inandırılırlar.
Bunun nəticəsində də insanlar fərqində olmadan qəddarlığın fəlsəfəsini gizli-gizli, davamlı olaraq yaşamağa başlayırlar. Özlərindən soruşsalar əlbəttə, heç vaxt "nə qəddar olduqlarını qəbul edərlər", "nə də bir başqasının qəddar rəftar göstərdiyini təsdiqləyərlər". Amma şəxsiyyətlərinə dərindən təsir edən bu səhv dünyagörüşünün təsirləri həyatları boyunca göstərdikləri rəftarların çoxunda özünü göstərir.
Bir çox insan "qəddar" deyildiyi zaman "çox mərhəmətsiz, insanlara zülm etməyə meylli, özündən başqa heç kimi düşünməyən və əhəmiyyətsiz hesab edən, qəsdən pislik etməkdən və zərər verməkdən zövq alan insan modeli" xəyal edirlər. Buna görə də özlərinə "Sən çox qəddarsan" deyilsə, sərt reaksiya verər və dərhal bu tənqidi rədd edərlər.
Halbuki, əgər insan özünə edilən bu bənzətmə üzərində bir az daha dərin düşünsə, şəxsiyyətinin müəyyən istiqamətlərində və rəftarlarının bəzilərində qəddarlığın fəlsəfəsinə dair izlər tapacaqlar.
Bunun ən əhəmiyyətli səbəblərindən biri insan nəfsinin qəddarlığa meylli olaraq yaradılmasıdır. Nəfs eqoistdir, mənfəətçidir, ən çox özünü sevmək istəyir, mənfəətlərini qorumaq mövzusunda çox qərarlıdır. Nəfs həyatının sonuna qədər heç ara vermədən və yorulmadan insanı bu pisliklərə təşviq etmək üçün səy göstərir.
Bundan sonra "qəddar"lığı düzgün tanımaq lazımdır. Əlbəttə cəmiyyətdə "qəddarlığı ən qatı şəkildə yaşayan insanlar" var. "Heç gözünü qırpmadan cinayət işləyən, toplu qırğınlar edən, ac, yoxsul, kimsəsiz uşaqların mal-mülkünü oğurlamaqdan qorxmayan, yaşlılara, uşaqlara əziyyət etməkdən, onları xor görməkdən çəkinməyən və bunun kimi daha bir çox anormal rəftarı göstərən insanlar" həqiqətən qəddardırlar.
İnsanlarda məşhur olan bir başqa qəddarlıq növü də "qadın qəddarlığı"dır. Cahil cəmiyyətlərdə qadınların çoxu bir-birlərinə rəqabət, həsəd, münaqişə və önə keçmə gözüylə baxdıqları üçün bu yarış içərisində bir-birlərinə qarşı qəddar rəftarlar göstərməkdən çəkinmirlər. Rəqabətdə onları önə keçirəcək olan ünsürlər nələrdilərsə bu mövzularda mərhəmətsizcə qarşı tərəfi əzəcək, hətta gözdən salıb tamamilə yollarına çıxmasına maneə törədəcək rəftarlara müraciət edirlər. Bunların hər biri "qəddarlıq"dır.
Dünya psixoloqları isə bu tendensiyanı nümunə və faktların müşayiəti ilə çox dəqiq izah ediblər. Cahil cəmiyyətlərlə müqayisədə inkişaf etmiş toplumlarda insanlar daha çox firavan yaşayır, arzulara, məqsədlərə çatma daha asan başa gəlir. Nəticədə isə doyumluluq yaşanır. İnsanlar ekstrim, daha çox həyəcan yaşamaq arzusu ilə müvazinətlərini pozurlar. Bunun bir yolu narkotik maddədirsə, digəri də pozğun psixologiyanın təzahürlərindən olan qan, əzilmiş insan görmə həvəsidir. Məhz bu həvəsi yaşamaq üçün insanların qətllərə, serial cinayətlərə qurşanması öz əksini tapır.
Amma uşaqlıq travması da bu qətllərin törədilməsində mühüm faktordur. Uşaqlıqdan şiddət görən şəxslər gələcəkdə hansısa formada bunun intiqamını almağa çalışır. Əgər ona şiddət vermiş şəxsə qarşı bunun cavabını qaytarmaq imkanı yoxdursa, toplum bunun əzabını çəkir.
Psixoloqlar həmçinin sübut edib ki, Qərb dünyasının Şərqlə müqayisədə qorxu filmləri, şiddət xarakterli kompüter oyunları, cizgi fimləri ilə daha erkəndən tanışdır. Xüsusən nəzərə alanda ki, bu filmlərin "ana vətəni" Qərb sayılır, bu halda tendensiya anlaşılandır. Həmin filmlərlə, oyunlarla yetişən insanın xarakterində də qəddarlıq ana xətti təşkil edəcək.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər