İslam Peyğəmbəri (s) İmam Mehdi (ə.f) barədə nə deyib? |
Müəllif: Admin | Bölmə: Məqalələr | Vaxt: 24-01-2016, 12:27 | Şərh sayı: (0) | Baxılıb: 2964
İslam Peyğəmbəri (s) İmam Mehdi (ə.f) barədə nə deyib?
İslam Peyğəmbərindən (s) nəql olunmuş hədislər güzgüsündə İmam Mehdi (ə.f)1. Cabir Ənsari Peyğəmbərdən (s) Zülqərneyn və onun qeyb səbəbi barədə bir hədis nəql etmişdir. Həmin hədisdə Peyğəmbər (s) Qaimin cərəyanı ilə Zülqərneynin cərəyanının oxşarlıq və eyniliyini açıqlayarkən İmam Mehdinin (ə.f) qeybi və bu qeybin müddətinin uzun olmasına işarə etmişdir. Oxşarlıq ifadəsinin mətni belədir:
فغاب عنهم زمانا حتى قيل: مات او هلك، باي واد سلك
Sonra onlardan bir müddət qeyb olacaq, ta ki, deyiləcək: “Öldü və ya da həlak oldu. Hansı dərəyə (vadiyə) getdi? (məlum deyil)”.[1]
2. Üqbənin oğlu Saleh atasının İmam Baqirdən (ə), o da Allahın Rəsulundan (s) belə bir xəbər vermişdir:
المهدي من ولدي، تكون له غيبة و حيرة تضل فيها الامم، ياتى بذخيرة الانبياء عليهم السلام فيملاها عدلا و قسطا كما ملئت جورا و ظلما
“Mehdi mənim övladlarımdandır, onun qeyb və çaşqınlıq dövrü olacaqdır ki, ümmətlər bu barədə yolunu azacaqlar[2]. O, peyğəmbərlərin zəxirəsi ilə gələcək, (yer üzü) zülm və cövrlə dolduğu kimi, onu haqq və ədalətlə dolduracaqdır”.[3]
3. Xalidin oğlu Süleyman İmam Sadiqdən (ə), o da Allahın Rəsulundan (s) belə nəql etmişdir:
كيف انتم اذا استياستم من المهدي فيطلع عليكم مثل قرن الشمس؟ يفرح به اهل السماء والارض. فقيل: يارسول الله و انى يكون ذلك؟ قال: اذا غاب عنهم المهدي وايسوا منه
“Mehdidən məyus və naümid olsanız, sizin halınız necə olacaqdır? Baxmayaraq ki, o, günəşin qaşı[4] kimi üzərinizə saçır. Onun vasitəsilə (bütün) yer və göy əhli sevinir”. Soruşuldu: “Ey Allahın elçisi, belə (zaman, dövr) nə vaxt olacaq?” Dedi: “Aralarından Mehdinin qeybə çəkiləcəyi və ondan məyus olduqları vaxt”.[5]
4. Salehin oğlu Əbdüs-səlam İmam Rzadan (ə), o da atalarından, onlar da Rəsulullahdan (s) belə nəql etmişlər:
والذي بعثني بالحق بشيرا ليغيبن القائم من ولدي بعهد معهود اليه مني، حتى يقول اكثر الناس: ما لله في آل محمد حاجة، و يشك آخرون في ولادته، فمن ادرك زمانه فليتمسك بدينه
“Məni haqq olaraq müjdəverən göndərənə and olsun! Övladlarımdan Qaim (haqq olaraq qiyam edən) mütləq qeybə çəkiləcəkdir və bu qeyb bir əhd əsasındadır ki, mən onun üçün çatdırmışam. Bu qeyb (dövrü) o qədər uzun çəkər ki, camaatın çoxu deyər: “Allahın Ali-Muhəmmədə ehtiyacı yoxdur. Camaatın bəzisi onun doğulması barədə şübhəyə düşərlər. Belə isə kim həmin dövrdə olsa, dinindən (bərk) yapışsın”.[6]
5. Cübeyrin oğlu Səid İbn Abbasdan, o da Rəsulullahdan (s) belə nəql etmişdir:
ان علي بن ابى طالب امام امتى و خليفتي عليها من بعدي و من ولده القائم المنتظر الذي يملا الله به الارض عدلا و قسطا كما ملئت جورا و ظلما، والذي بعثني بالحق بشيرا، ان الثابتين على القول به في زمان غيبته لاعز من الكبريت الاحمر. فقام اليه جابر بن عبدالله الانصاري فقال: يا رسول الله و للقائم من ولدك غيبة؟ قال: اي و ربي. و ليمحص الله الذين آمنوا و يمحق الكافرين
“Həqiqətən, Əli ibn Əbutalib ümmətimin imamı və məndən sonra onun üzərində xəlifəmdir. Əl-Qaimul-Müntəzər (intizarı çəkilən qiyam edən şəxs) onun nəslindəndir. O kəs ki, yer üzünü cövr və zülm ilə dolduğu kimi, haqq və ədalətlə dolduracaqdır. Məni haqq olaraq müjdəverən göndərənə and olsun, doğrudan da, onunla əlaqəli söz üzərində sabitqədəm olanlar, onun qeyb dövründə qırmızı kibritdən daha az tapılanlardır”. Ardınca Cabir ibn Abdullah Əl-Ənsari soruşdu: “Ey Allahın elçisi, nəslindən olan Qaimin qeybi (dövrü) var?” Dedi: “Bəli, and olsun Rəbbimə. (Bu həm də) Allahın iman gətirənləri (günahlardan) təmizləməsi və kafirləri məhv etməsi üçündür[7]”.[8]
Zühur barədə məyus olmaq, zülm və sitəmdən qurtuluş yolunun varlığı barədə tərəddüd etmək İmam Mehdinin (ə.f) uzunmüddətli qeyb dövrünü açıqlayır. Bir neçə rəvayətdə “məyus” sözündən başqa rəvayətlərdə onun nişanələri olan “çaşqınlıq”, “yolu azma” və “Ali-Muhəmmədə ehtiyacımız yoxdur” kimi ifadələrindən istifadə olunmuşdur.
[1] Möcəmu əhadisil-İmam Mehdi, c.1, səh.256
[2] Yəni qeyb və çaşqınlıq dövrü ümmətlər arasında yekdilliyi aradan aparacaq. Bu barədə şəkk-şübhədə olacaq və ya da yollarını azacaqlar.
[3] Həmin mənbə, c.1, səh.257
[4] Günəş doğuşundan əvvəl aşkar olan kənarı
[5] Həmin mənbə, c.1, səh.259
[6] Həmin mənbə, c.1, səh.264
[7] Ali-İmran surəsinin 141-ci ayəsində bu ifadə qeyd edilmişdir.
[8] Möcəmu əhadisil-İmam Mehdi, c.1, səh.265
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər